Layihə – Spark Beton

Archives for Layihə

Spark MMC Ümumdünya Şəhərsalma Forumunda (#WUF13): Dayanıqlı Gələcəyin İnnovativ Beton Markaları

Qlobal şəhərsalma trendlərinin, ekoloji memarlığın və dayanıqlı infrastruktur modellərinin müzakirə olunduğu ən nüfuzlu beynəlxalq platformalardan biri – 13-cü Ümumdünya Şəhərsalma Forumu (#WUF13) başa çatdı. Azmade Group-un törəmə şirkəti olan Spark MMC, sərgi müddətində şəhərsalma və tikinti sektorunun gələcəyinə yön verən ən son innovative beton markaları ilə təmsil olundu.
Sərgi boyunca stendimizi ziyarət edən yerli və xarici memarların, mühəndislərin və şəhərsalma ekspertlərinin ən çox marağına səbəb olan isə Spark-ın təqdim etdiyi innovativ beton markaları oldu. Şəhərlərin ekoloji mühitini yaxşılaşdıran və tikinti proseslərini sürətləndirən iki unikal məhsulumuz forumun əsas trendinə çevrildi.

Şəhər Havasını Təmizləyən və Həmişə Ağ və yeni kimi qalan beton markası : Öz-özünü Təmizləyən Beton
Forumda qlobal ekspertlərin diqqətini ən çox cəlb edən məhsulumuz innovativ Öz-özünü təmizləyən beton markası oldu. Bu betonun tərkibindəki xüsusi maddə günəş işığı ilə reaksiyaya girərək səthdəki çirki, hisi və zərərli qazları avtomatik parçalayır. Parçalanmış çirklər isə yağış suyu ilə asanlıqla yuyulur. Beləliklə, konstruksiya heç bir əlavə xidmət və ya təmizlik xərci tələb etmədən illərlə ilk günkü kimi təmiz, parlaq və ağ qalır.
Bu texnologiya müasir ekoloji şəhərsalmada (Green City) çox geniş tətbiq sahələrinə malikdir:
• Müasir binaların fasadları: Hündürmərtəbəli binaların çöl hissəsində ağ rəngin və estetik təmizliyin illərlə qorunması üçün idealdır.
• Abidələr və memarlıq nümunələri: Tarixi və ya müasir incəsənət nümunələrinin atmosfer təsirlərindən qaralmadan, orijinal görkəmində qalmasını təmin edir.
• Tunellər və səs baryerləri: Avtomobil tüstüsünün və dəm qazının ən çox toplandığı yerlərdə həm havanı təmizləyir, həm də divarların çirklənməsinin qarşısını alır.
• Yol kənarları və səkilər: Avtomobil sıxlığı olan şəhər mərkəzlərində havanın keyfiyyətini artırmaq məqsədilə ekoloji həll kimi tətbiq edilir.
• Ağ beton konstruksiyalar: Rəngin parlaqlığını və estetikliyini itirməməsi tələb olunan bütün vizual layihələrdə əvəzedilməzdir.

Tikintidə Sürət və Maksimum Dayanıqlıq: Öz-özünə Yayılan Beton
Spark stendində peşəkarlar tərəfindən yüksək qiymətləndirilən digər bir texnoloji yenilik isə Öz-özünə yayılan beton markası oldu. Müasir tikinti tempində vaxta qənaət və işçi qüvvəsinin səmərəli istifadəsi ən vacib kriteriyalardan biridir.

İstifadə Vacibliyi və Üstünlükləri: Bu beton markası yüksək axıcılıq qabiliyyəti sayəsində heç bir vibrator və ya mexaniki sıxlaşdırma aləti tələb etmədən, öz çəkisi ilə qəliblərin içərisinə mükəmməl şəkildə yayılır. Ən sıx armatur şəbəkələrinin belə arasına rahatca nüfuz edərək boşluqların yaranmasının qarşısını alır. Bu da binanın seysmik dayanıqlığını artırır, insan amilindən qaynaqlanan səhvləri sıfıra endirir və hörgü/döşəmə işlərini inanılmaz dərəcədə sürətləndirir.
Əsas İstifadə Yerləri:
• Sıx və mürəkkəb armaturlu təməl və sütun konstruksiyalarında,
• Geniş sahəli sənaye döşəmələrində və anbarlarda,
• Xüsusi həndəsi formaya malik, standart betonla doldurulması çətin olan memarlıq qəliblərində,
• Sürətli icra və hamar səth tələb olunan bütün monolit tikintilərdə.

Gələcəyin Şəhərlərini Bizimlə Tikdiyiniz Üçün Təşəkkür Edirik!

#WUF13 Forumu boyunca Spark olaraq gördük ki, müasir dünya artıq sadəcə binalar ucaltmaq deyil, ətraf mühitlə dost olan, özünü qoruyan və ağıllı infrastruktur layihələri yaratmaq istəyir. Sərgi müddətində stendimizi ziyarət edən, innovativ beton markalarımıza böyük maraq göstərən və bizimlə gələcək əməkdaşlıq addımlarını müzakirə edən bütün yerli və əcnəbi tərəfdaşlarımıza, mühəndis və memarlarımıza təşəkkür edirik!
Milli istehsalın gücü və qlobal texnologiyaların inteqrasiyası ilə gələcəyin ekoloji və dayanıqlı şəhərlərini birlikdə tikirik!
Spark keyfiyyət Zirvədə olanda Yüksəlmək Asandır.

Read more